Яҡынлашып килгән башҡорт теле көнө уңайынан 6 кластар араһында “Башҡорт телендә һөйләшәм” тип аталған уйын-ярыш үткәрелде. Сараны китапханасы Рамаҙанова Раушания Вәкил ҡыҙы һәм өлкән вожатый Мозафарова Айгөл Салауат ҡыҙы ойошторҙо. 6а (“Аманат”) һәм 6б (“Аҡбуҙат”) кластары араһынан төҙөлгән командалар бер-береһе менән отҡорлоҡта, тапҡырлыҡта һынаштылар, үҙҙәрен башҡорт телен ни тиклем яҡшы белеүҙәрен тикшерҙеләр. Был ярышта 6б класының командаһы еңеүсе тип табылды.